SWAN NECKED VALVE
SWAN NECKED VALVE
written by Alex Russell
When Strathclyde was in Brigton
And my time was nearly oot
What happened in the monkey shop
I'll tell ye aw aboot
Ricky doo dum da, doo dum da
Ricky, dickie doo dum day
A sneezer o a job came in
And I was left to solve
The problem o the makin
O a swan necked valve
Ricky doo dum da, doo dum da
Ricky, dickie doo dum day
I looked at it and wondered
Where the partin I should mak
And syne I wished the gaffer
He would come and take it back
Ricky doo dum da, doo dum da
Ricky, dickie doo dum day
But nothing came to save me
And I had to mak a delve
I worked wi trepidation
On the swan necked valve
Ricky doo dum da, doo dum da
Ricky, dickie doo dum day
I took a double partin
And a tap and drag as well
And every snug was aff the box
Ye've seen that kind yersel
Ricky doo dum da, doo dum da
Ricky, dickie doo dum day
My mates a' looked at me and said
‘Ye never will evolve
A system for the makin
O a swan necked valve'
Ricky doo dum da, doo dum da
Ricky, dickie doo dum day
I got a clamp fu' six feet long
And stuck it doon the side
And in the absence o a pin
That was my only guide
Ricky doo dum da, doo dum da
Ricky, dickie doo dum day
And tho my knees were shakin
Sure I worked wi grim resolve
That clamp stood like a mast
Aboon the swan necked valve
Ricky doo dum da, doo dum da
Ricky, dickie doo dum day
They sent my brother Sammy in
To help me close and cast
And syne the first thing that he did
Was ca' away the mast
Ricky doo dum da, doo dum da
Ricky, dickie doo dum day
So noo I didnae hae a guide
My heid seemed tae revolve
But part by part we closed by guess
The swan necked valve
Ricky doo dum da, doo dum da
Ricky, dickie doo dum day